Fundación Juana de Vega

A Escola Galega da Paisaxe contará con un Comité de Expertos, que terá como funcións, entre outras, as seguintes:

• Debater e analizar as diversas problemáticas que presenta a paisaxe en Galicia co obxecto de propoñer as liñas de actuación e os distintos programas a desenvolver.
• Propoñer unha toma de posición da Escola en temas de interese público relacionados ca paisaxe e a súa incidencia no ámbito social, cultural e de desenvolvemento do territorio.
• Orientar sobre o desenvolvemento de liñas de traballo e informar de experiencias que se estean desenvolvendo no ámbito estatal, noutras Comunidades Autónomas ou noutros países.
• Promover e fomentar a colaboración con outras institucións para o desenvolvemento conxunto de actividades.

O Comité de Expertos renovarase cada cinco anos e estará formado por un máximo de 15 membros de diferentes ámbitos profesionais. Nesta primeira etapa formarán parte do Comité as seguintes persoas:

Isabel Aguirre de Urcola, Arquitecta, Premio Nacional de Arquitectura Manuel de la Dehesa, especializada en paisaxismo.
Luís Andrés Orive, Enxeñeiro de Montes pola Universidade Politécnica de Madrid. Xefe do Área de Estudios e Investigación do CEA de Victoria.
Teresa Andresen, Catedrática de Arquitectura da Paisaxe da Universidade de Porto. Ex – Presidenta da Fundación Europea de Arquitectura da Paisaxe.
Manuel Caamaño Suárez, Secretario do Museo do Pobo Galego.
Pedro Calaza Martínez, Doutor Enxeñeiro Agrónomo, especializado en proxectos de paisaxismo.
Xosé Manuel Casabella López, Doutor Arquitecto, e Director da Escola Técnica Superior de Arquitectura da Universidade da Coruña.
Francisco Díaz-Fierros Viqueira, Catedrático de edafoloxía e química agrícola da Universidade de Santiago de Compostela.
Víctor Fernández Freixanes, Xornalista, profesor da Universidade de Santiago e Director da Editorial Galaxia.
Urbano Fra Paleo, Doutor Xeógrafo e profesor da Universidade de Extremadura.
Enrique Manciñeira, Doutor Enxeñeiro de Camiños, Canais e Portos. Director do Porto da Coruña.
Jordi Sargatal, Naturalista. Ex–director da Fundación Territori i Paisatge da Fundación Caixa Cataluña.
Ramón Villares Paz, Catedrático de Historia Contemporánea da Universidade de Santiago de Compostela e Presidente do Consello da Cultura Galega.